Dickson Adomako Kissi
Hon. Dickson Adomako Kissi MP | |
|---|---|
 | |
| Personal details | |
| Born | Nhwɛdo:Awoda na Owuda |
| Nationality | Ghananyi |
| Political party | New Patriotic Party |
Dickson Adomako Kissi (wɔwoo no Dzifuu 23, 1981) yɛ Ghana Amanyɛnyi na Oduryɛfo (medical practitioner). Ɔyɛ baguanyi wɔ Mbrahyɛbagua a ɔtɔdo Awɔtwe wɔ Ghana Kwasafoman a Otsia Anan no mu a ogyinaa Anyaa Sowutuom Mpasuar a ɔwɔ Nkran Mantɔw mu wɔ New Patriotic Party(NPP) no tsikitsi do.[1][2][3][4]
Ɔbra ahyɛse na nwomasua
[sesa mu | sesa ekyirsɛm]Dzifuu 23, 1981 mu na wɔwoo Adomako Kissi maa Oduryɛfo Emanuel Abu Kissi, eduryɛ ho oduryɛfo na Madam Elizabeth Bamfo Kissi, Awogyefo ɔyarhwɛfo.[1] Ofi Kwahu Mpraeso a ɔwɔ Ghana Epuei Mantɔw mu.[5] Onyaa ne ntoado skuul wɔ St. Peter’s Mbanyin ntoado skuul a ɔwɔ Kwahu Nkwatia. Ɔyɛ obi a oewie Brigham Mbabun Suapɔn, USA na Ghana eduryɛ skuul a onyaa Bachelor of Science Degree (Economics and Chemistry Minor) wɔ afe 2004 mu na Medical Degree (General Practitioner) wɔ afe 2013 mu.
Amanyɛsɛm
[sesa mu | sesa ekyirsɛm]Ɔyɛ New Patriotic Party(NPP) no kuwba. Obiradzi 2015 mu no, osii akan dɛ obegyina NPP anan mu wɔ afe 2016 Ghana amansan abatow no mu naaso odzii nkogu wɔ MP a odzi tum sesei Shirley Ayorkor Botchway.[6] Ɔhyehyɛɛ "Professionals for Political Action" (PPA), kuw a ɔboa NPP a edwumayɛfo a wɔwɔ ndwuma nyinaa mu na wɔwɔ mu dɛ wɔbɔtow aba ama kuw no ɔmampanyin, Nana Addo-Dankwa-Akufo-Addo, na Mbrahyɛbagua mu abaguafo no. Adomako sii akan na odzii nkonyim wɔ Obiradzi, 2020 mbrahyɛbagua ahyɛse abatow mu dze gyinaa NPP anan mu wɔ 2022 Ghana amansan abatow no mu.[8] Odzii nkonyim wɔ Anyaa Sowutuom Mpasuar nkongua no do wɔ NPP tsikitsi do.[9][10] Ɔsoom dɛ Oguamtsenanyi Abadziekyir na Etwa HɛnHo Ehyia, Nyansahu na Mfirdwuma Boaekuw nq Ɔmamfo Akontaabu Boaekuw no baguanyi wɔ Ghana Aman a Ɔtɔdo Anan Mbrahyɛbagua a Ɔtɔdo Awɔtwe no mu.[1] Mbrahyɛbagua ahyɛse a wodzii wɔ afe 2024 mu maa NPP no, odzii nkogu wɔ mbɔdzen a ɔbɔe dɛ obegyina kuw no anan mu ɔnam Ɔpanin Emmanuel Tobbin do. Tobbin nyaa abatow 818, na ɔboor nyia ɔnye no roko a onyaa abatow 566 wɔ abatow a ɔfata a wɔtowee nyinaa mu no do.
Edwuma
[sesa mu | sesa ekyirsɛm]Adomako yɛ ɔkyerɛkyerɛfo Boafo wɔ Brigham Mbabun Suapɔn mu ber a na ɔyɛ skuul no suanyi. Ber a owiee skuul no, ɔdze noho kɔbɔɔ Covidien Medtronics a ɔwɔ Connecticut dɛ Product Analyst. Mprempren yi, ɔyɛ Oduryɛfo na Edwumayɛ Nkɔdo Ho Ɔfotufo wɔ Deseret Ayarsabea a ɔwɔ Nkran.[1][5][11]
Mboadze
[sesa mu | sesa ekyirsɛm]- ↑ "Parliament of Ghana". Parliament Of Ghana. Retrieved 2022-08-08.
- ↑ "Finance Ministry considering reduction of e-levy rate to 1.25% - Dr Adomako Kissi – MyJoyOnline.com". MyJoyOnline. (in American English). 2022-02-16. Retrieved 2022-08-08.
- ↑ "Ga Central Municipal Assembly". Ga Central Municipal Assembly Ghana. Archived from the original on 2022-08-08. Retrieved 2022-08-08.
- ↑ GNA. "NPP's Dickson Adomako Kissi wins Anyaa-Sowutuom Constituency | News Ghana". NewsGhana. (in American English). Retrieved 2022-08-08.