Dan Botwe

Hon. Dan Botwe Former MP
Image of Dan Botwe
Nkan Mbrahyɛbagua ma Okere
In office Sanda 7, 2009 – 6 January 2025
Preceded by	Brandford Kwame Daniel Adu
Succeeded by	Daniel Nana Addo-Kenneth
Minister for Information and National Orientation
In office 2005–2006
President	John Kufuor
Preceded by	Nana Akomea
Succeeded by	Kwamina Bartels
Personal details
Born	Dan Kweku Botwe (1958-02-26) 26 February 1958 Ghana
Nationality	Ghananyi
Political party	New Patriotic Party
Children	3
Alma mater	Achimota School
Profession	ICT specialist

Daniel Kwaku Botwe (wɔwoo no Kwakwar 27, 1958) yɛ Ghana Amanyɛnyi. Nna ɔyɛ Mbrahyɛbaguanyi wɔ Okere mpasuar a ɔwɔ Epuei Mantɔw mu wɔ Ghana. Ɔsoom dɛ Nsɛnsɛm na "National Orientation" wɔ John Agyekum Kufour amambu ase na ɔsanso soom dɛ Regional Reorganization and Development Soafo na Minister for Local Government, Decentralisation na Nkuraase Mpontu mu wɔ Nana Akufo-Addo odzikan na ne ber a ɔtɔdo ebien wɔ n'amambu mu.

Ɔbra ahyɛse na nwomasua

Kwakwar 26, 1958 mu na wɔwoo Dan Kwaku wɔ Abiriw-Akuapem,[7] a ɔwɔ Ghana Epuei Mantɔw mu. Ofi Abiriw Akuapem[1] Wɔdze ne dzin hyɛɛ Presbyterian Mfitsiasee na Mfinimfin Skuul a ɔwɔ Mabang wɔ Ahafo-Ano Mantɔw mu wɔ Asante Mantɔw mu wɔ ne mfitsiase nwomasua ho. Onyaa ne GCE Ordinary level adansedzi krataa wɔ Kumasi Academy na ne GCE Advanced level adansedzi krataa wɔ afe 1977 mu wɔ Achimota Skuul mu. Onyaa kwan kɔr Kwame Nkrumah Suapɔn a ɔhwɛ Nyansahu na Mfirdwuma do dɛ ɔrekɛyɛ Bachelor of Science abɔdzin krataa wɔ kɔmputa ho nyimdzee mu.[8][9]

Edwumayɛ asetsena

Afe 1985 mu no, Ghana Cocobod dze Dan Botwe yɛɛ edwuma dɛ kɔmputa do nhwehwɛmufo.[10] Ɔyɛɛ edwuma wɔ hɔ kesii 1993 mu ber a ɔdze noho hyɛɛ ankorankor edwuma mu no. Wɔpaaw no dɛ Danmaud Limited, ankorankor edwumakuw bi a ɔwɔ Nkran no kwankyerɛfo.[8]

Amambu asetsena

Ber a ɔwɔ KNUST no, wɔpaaw no dɛ ɔman kyerɛwfo wɔ National Union of Ghana Students (NUGS) mu fi 1982 kesi 1983. Ne paw no nye asraafo ndzido a ber tsiabaa mu Ɔman Bambɔ Bagua no dzii enyim no ahyɛse hyiae. No dwumadzi na ɔkasatia a ɔkaa tsiaa nyimpa etsitsir a wodzi tum no ma wɔdze hɔn enyi sii no do dɛ obi a ɔdze ɔhaw ba. Wobuu no fɔ dɛ ɔnye Ghanafo afofor nkɔ ndɔmumfa mu nkɔ Ivory Coast.[2] Ekyir yi ɔsan kɔr Ghana na ɔyɛɛ edwuma dɛ kɔmputa sfo nhwehwɛmufo wɔ Ghana kookoo board fitsi afe 1985 kesi 1993 ansaana orutu akɛyɛ ankorankor edwuma.[11]Botwe sii akan na odzii nkonyim wɔ New Patriotic Party Amansan Kyerɛwkyerɛwfo abatow mu wɔ afe 1998 mu.[12] Ɔboaa kɛse ma wɔpaaw John Kufour dɛ Ghana Ɔmampanyin wɔ afe 2000 amansan abatow no mu.[2] Ɔsoom wɔ dzibea ahorow afofor wɔ kuw no mu, a nea ɛka ho ne Ɔman Sikakorabea a ɔhwɛ Mbabun Afamu a ɔwɔ Ɔman Ho Dɔ Kuw Fofor no mu, na Edwumayɛ na Nhwehwɛmu hwɛdofo wɔ Ɔman Asafo tsir no mu.[2][12] Ɔmampanyin Akufo-Addo aka noho asɛm dɛ "ɔbɔfo a ɔyɛ dzen, amambu mu dur", wɔ no nkɔdo a oyii New Patriotic Party no fir ɔsɔrtsia no mu na ɔdze kɔr aban mu wɔ afe 2001 mu.[13] Mprempren yi, wɔapaw no dɛ Ɔman Ɔsatu Tsitsenanyi ama Ɔmampanyin Abadziekyir Alhaji Dr. Mahamadu Bawumia ɔsatu kuw no.[14]

Mbrahyɛbaguanyi

Dan Botwe sii akan wɔ mbrahyɛbagua abatow no mu wɔ Okere wɔ afe 2008 mu ber a nyia oridzi tum mprempren yi, Brandford Kwame Daniel Adu, sii gyinae dɛ obegyaa edwuma dɛ mansin no mbrahyɛbaguanyi no. Dan Botwe nyaa abatow 11,974 wɔ abatow 19,684 a wɔtowee nyinaa mu, a ogyina hɔ ma abatow no mu 60.8%, dɛ ɔbɛyɛɛ mbrahyɛbaguanyi fofor.[15] Ɔkɔr do dzii nkonyim wɔ mbrahyɛbagua abatow a ɔtoatoa do wɔ afe 2012, 2016 na 2020 mu.[2]Ɔyɛ minority chief whip wɔ Mbrahyɛbagua a ɔtɔdo Esia no mu fitsi afe 2013 kesi afe 2017.[12] Dɛ MP no, ɔaboa ama ne mansin no enya nkɔdo nyinaa wɔ akwan horow pii do. Ɔhyɛɛ bɔ dɛ ɔbɔboa Dreams FC, Ghana Premier League kuw bi a wɔbɔ hɔn fie agodzi wɔ Dawu, kurow bi a ɔwɔ ne mantɔw mu.[16]

Frankaa-kitsafo apɛdze

Dan Botwe sii akan wɔ afe 2007 New Patriotic kuw no mfitsiasee abatow no mu dɛ ɔbɛyɛ frankaa-kitsafo. Wɔhyehyɛɛ ahyɛse abatow no dɛ wɔbɔhwehwɛ obi a obesi John Agyekum Kufour a nna oedzi n’ahendzi nyinaa dɛ kuw no frankaa kitsafo na Ghana Ɔmampanyin no anan mu. Akansi no maa afofor 16 a wɔpɛ dɛ wɔyɛ akansi no na Botwe dzii ase. Abatow no kɔr do wɔ Nkran wɔ Mumu 2007.[17] Nna Botwe esi do dua dɛ frankaa-kitsafo dzibea no hia aberantse na ɔnnsɛ dɛ wobu no dɛ "pɛnhyɛnkɔ nhyehyɛɛ" ma hɔn a hɔn mfe akɔ enyim.[17] Odzii nkogu wɔ abatow no mu wɔ Nana Akufo-Addo enyim.[12]

Ɔmampanyin a ɔhwɛ Amandzɛɛbɔ do

Fitsi afe 2006 kesi afe 2007 Dan Botwe yɛɛ Ɔmampanyin a ɔhwɛ Amandzɛɛbɔ do (Ghana) wɔ John Agyekum Kufour aban mu. Ɔhyɛɛ Kwamina Bartels ananbmu.[18][19]

Mantɔw mu Nhyehyɛɛ Fofor Soafo

Sanda 2017 mu no, Ɔmampanyin Akufo-Addo bɔɔ Dan Botwe dzin dɛ Ɔsomfo a ɔhwɛ mantɔw mu Nhyehyɛɛ na Nkɔdo Dwumadzibea fofor a wɔatsew no do. Akufo-Addo hyehyɛɛ ɔsom edwuma no dɛ ɔnhwɛ mpɔtamu pii a wɔbɛkyekyɛ mu wɔ ɔman no mu dze edzi n’amambu bɔhyɛ ko do. Wɔbɛsan atwe Firaw Mantɔw mu no dze ayɛ Oti Mantɔw no, na wɔbɛsan atwe Atɔe Mantɔw (Ghana) dze ayɛ Atɔe-Etsifi Mantɔw no.[13]

Kabenɛtse Soafo panyin

Esusuow-Aketseaba 2017 mu no, Ɔmampanyin Nana Akufo-Addo bɔɔ Dan Botwe dzin dɛ asomfo 19 a wɔbɛhyehyɛ ne kabenɛtse no mu kor.[20] Wɔdze asomfo 19 edzin kɛmaa Ghana Mbrahyɛbagua no na Aban no Kasafo, Rt. Hon. Ɔbenfo Mike Ocquaye.[20] Dɛ Kabenɛtse Soafo no, Dan Botwe yɛ ɔmampanyin no mu kuw no fã na ɔbɔboa wɔ egyinaesi dwumadzi etsitsir wɔ ɔman no mu.[20]

Ankorankor asetsena

Dan Kwaku Botwe awar a ɔwɔ mba ebiasa. Ɔyɛ Kristonyi [21] a ɔwɔ Presbyterian asɔr no mu.[12]