Jump to content

DJ Abass

Fi Wikipedia
DJ Abass
Born
Abass Abayomi Tijani

London, England
Occupations
  • DJ
  • broadcaster
  • entertainment & media consultant
Years active1988–present
Websitewww.djabass.com

DJ Abass (wɔmaa no dzin Abass Abayomi Tijani) yɛ nsɛnkyerɛwnyi na enyigyedze ho ɔfotufo, amandzɛɛbɔnyi, DJ na dwumadzi ase kyeame a ɔwɔ United Kingdom. Ɔno na ɔda enyigye na nsɛm ho amandzɛɛbɔ dwumakuw, DJAMEDIA no ano.[1] Ɔagye dzin yie so wɔ Nigeria na Afrikafo nkurow a ɔwɔ United Kingdom osian dwuma a ɔato no dzin Intro na Big Nigerian Independence Intro Jam sen a odzi mu akotsen ntsi.

N'ahyɛse Abrabɔ na Nwomasua

[sesa mu | sesa ekyirsɛm]

[2]Wɔmaa DJ Abass dzin dɛ Abass Abayomi Tijani, wɔwoo no wɔ London maa Kolawole Rasak Tijani na Deborah Kojusola Tijani a ɔyɛ nɛɛsenyi na awogyefo. Afei ɔnye no nua kuma tui kɛtsenaa Nigeria beebi a ɔkɛgyee nyimdzee wɔ Mate Nursery na Primary School, Lagos, Baptist Academy, Obanikoro, Lagos na ekyir no ɔkɔr Baptist High School, Port-Harcourt. Ɔkɔr do kɔr Ado-Ekiti Sukuulpɔn (a nkan no nna wɔfrɛ no Ondo State University, mprempren yi wɔfrɛ no Adekunle Ajasin Sukuulpɔn) a onyaa abɔdzin krataa wɔ amambu mu. DJ Abass yɛ mbofra baanan mu nyimpa a odzi kan na ɔsan so wɔ enuanom mbanyin mpanyimfo beenu.[3][4]

N'ahyɛse Edwuma

[sesa mu | sesa ekyirsɛm]

DJ Abass hyɛɛ n’edwuma ase dɛ DJfo kuw a ɔwɔ Nigeria a wɔwɔ UK mu nyimpa wɔ afe 2000 mu. Ɔyɛɛ kɔnsɛt ahorow a ɔdaa Nigeria DJfo edzi, na ɔboae ma Nigeria ndwom nyaa dzin wɔ amanandze. Afe 2002 mu no, ɔdanee kɔr edwumfo do hwɛfo mu, ɔnye ekuw bi tse dɛ Solek Crew yɛɛ edwuma na ɔkyerɛkyerɛɛ edwumfo bi tse dɛ KAS. Iyi maa no dwuma a odzi dɛ ɔbɛma Nigeria ndwom na amambra etu mpon wɔ UK no mu bɛyɛɛ dzen.[2]

Sɛ yɛdze edwuma a ɔyɛ no dɛ ndwontownyi no to nkyɛn a, DJ Abass nyaa dzin dɛ obi a amandzɛɛbɔnyi ber a ɔhyɛɛ ase dzii ndwom dwumadzi bi a wɔato no dzin Intro Live ho kyeame a nna ɔnye afofor so bɔ mu dzi dɛm dwuma no wɔ Ben TV do. Nna dɛm dwumadzi no yɛ prama soronko ma Africa adwontofo, osiandɛ nna wɔsan toto nkorɔfo ano wɔ do na wɔsan da adwontofo ekukudam bi tse dɛ King Sunny Adé na 2Face Idibia hɔn dwumadzi wɔ do. DJ Abass ne nhyɛdo no tserɛwee boor adwontow edwuma no do. Ɔsan so dzii dwuma tsitsiriw wɔ Nollywood sen ne nhyehyɛɛ na no nhwɛdo mu wɔ sen ahorow a woyii no wɔ UK no mu, na wɔnam dawurbɔ kuw, DJAMEDIA do. Dɛm dwumakuw yi bɛyɛɛ kandzifo wɔ Afrika enyigyedzebea wɔ UK, na wodzii dwuma etsitsiriw na woyii sen ahorow bi tse dɛ The Mirror Boy na Anchor Baby.[4][5]

Afe 2000 mu no, nna DJ Abass ka Nigerian DJs Association a ɔwɔ UK no ho[6] na ɔboae ma wɔhyehyɛɛ sen ahorow pii a ɔdaa Nigeria DJfo hɔn dwuma etsitsir wɔ UK edzi.[7]

Afe 2002 mu no, ɔkɔr ndwom ne yɛ mu no na okehyiaa nyimpa baasa a wofi Soji Adebayo, Michael Oloyede na Michael Enebeli (a.k.a. Don Jazzy) a nna oridzi dwuma dɛ Solek Crew wɔ dapɛn dapɛn anadwo enyigyebea bi. Ekyir no na ɔhyɛɛ ase dɛ ɔrohwɛ kuw no do ber a ɔkɔr do yɛɛ Nigeriafo ankasa hɔn dwumadzi a no mu yɛ dɛw ankasa a ɔkɔ do wɔ UK no. Kuw no dzii dwuma dɛ asɛntsir dwumadzifo wɔ nhyiamu ahorow pii mu ne tsitsiriw nye The BIG Nigerian Independence Intro Jam na The Nigerian Corner wɔ Notting Hill Carnival. DJ Abass so hyiae na ɔkyerɛkyerɛɛ ndwomtonyi KAS wɔ dɛm ber no mu na ɔdze no kɔr ndwom akwantu bi wɔ Nigeria wɔ afe 2006 mu.

Tɛlɛbihyɛn

[sesa mu | sesa ekyirsɛm]

Afe 2003 mu no, DJ Abass dzii ndwom bi ho kyeame wɔ tɛlɛbihyɛn do wɔ ndwom dwumadzi a agye dzin Intro Live with DJ Abass do. Dwumadzi no daa Nigeria na Afrika ndwom nkotsee edzi dze naam anototo ndwom sen ne yi do. Nna Intro Live no yɛ TV do dwuma a wodzi no dɔnhwer ebien na nna ɔyɛ ne nyɛnko pa Ayo Shonaiya no nsusui. Woyii no wɔ Ben TV (na ekyir no woyii no wɔ OBE TV do) na hɔn wɔwɔ Europa nyina na Afrika Etsifi afamu mbea nyina hun bi. Etsitsiriw a wɔagye dzin a nna wɔba dwumadzi no do no mu bi nye King Sunny Adé, Chaka Demus & Pliers, D’banj, Nneka, Eldee, 2Face Idibia, P-Square, JJC, Erykah Badu, George Clinton, Brenda Fassie, Ying Yang Twins, Wasiu Ayinde Marshall, Lady Saw, Sir Shina Peters, Werason, Ebenezer Obey, na afofor pii a wɔkeka ho.

Intro, TV do dwumadi no nyaa dwunadzi afofor wɔ Intro kɔnsɛt sen no mu a nna The BIG Nigerian Independence Intro Jam, The Intro Summer Jam na The Intro Christmas Jam ka ho bi. Nigeria dwontonyi okukudam D'banj no nkotsee no dwuma a odzii no a odzi kan no wɔ afe 2004, wɔ BIG Independence Intro Jam no mu, na nda bi ekyir no na ɔyɛ ɔhɔho wɔ n'anototo nsɛm a odzi kan a ɔyɛ Intro with DJ Abass do.[8]

Nsɛm ho Amandzɛɛbɔ na enyigyedze ho Ɔfotufo

[sesa mu | sesa ekyirsɛm]

DJ Abass yɛ DJAMEDIA dwumakuw no ne kwankyerɛfo panyin. Dɛm kuw yi yɛ nsɛm ho amandzɛɛbɔ na enyigyedze ho afotu edwumakuw a hɔn dwuma a wodzi ara nye dɛ wɔhwɛ enyigyedze dwumadzi etsitsir ho ntotoe na amandzɛɛbɔ nsɛm ho dawurbɔ a wɔdze ma nyimpa dodow a wɔdze hɔn enyi etsim hɔn do wɔ Nigeria na Afrika mpɔtamu a ɔwɔ UK no mu.

Ɔnam hɔn do na enyigyedze ho dwumadzi akɛse a agye dzin no mu bi bae wɔ Afrika mpɔtamu ha na hɔn mu binom a yɛtaa hu nye Nollywood sen ahorow.[9] DJAMEDIA yɛ senmu nhyehyɛɛfo a odzi kan wɔ Nigeria na Nollywood sen ahorow ne nyii mu wɔ United Kingdom. Hɔn mu dza ɔda nsew paara nye ɔayɛ na ɔsan nye afofor ayɛ nye Fifty, When Love Happens, The First Lady, The Figurine, The Mirror Boy,[10] Anchor Baby,[11] Bursting Out,[12] Family on Fire, na Kiss & Tell. Ndwuma ahorow binom so a DJAMEDIA ayɛ bi nye bɔɔlbɔ akansi ahorow wɔ UK a Super Eagles ka ho, kɔnsɛt ahorow, aserewsɛm ho ɔyɛkyerɛ ahorow (Crack Ya Ribs UK),[13] na daa daa dwumadzi ahorow a wɔyɛ wɔ anadwo.

Ngye Ntomu

[sesa mu | sesa ekyirsɛm]

N’edwuma nyina mu no, ɔagye DJ Abass ato mu wɔ no mboa a ɔdze ama enyigyedze edwumakuw no. Oenya abawdobɔdze tse dɛ Nigerian Music Awards UK’s Entertainment Journalist of the Year wɔ afe 2006 mu na Smade Recognition Award wɔ afe 2016 mu wɔ no mboa soronko a ɔdze maa UK Afrobeats no ho. N’edwuma no aboa ma Nigeria ndwom na amambra agye dzin wɔ amanaman ntamu na ama Afrikafo adwontofo enya etsiefo pii.[2][4]

Abawdobɔdze

[sesa mu | sesa ekyirsɛm]
  • Smade Recognition Award 2016 – 'Outstanding Contribution to UK Afrobeats'[14]
  • Afrobeats Music Awards 2015 – 'Outstanding contribution to Afrobeats'
  • African Film Awards 2014 – 'Entertainment Promoter of the Year'[15]
  • Nelawards Awards 2014 – 'Leadership & Mentoring in the Entertainment Industry'[16]
  • Beffta Awards 2011 – 'Entertainment Icon of the Year'
  • The Diamond Special Recognition Awards UK 2011 – "Entertainment Personality of the Year'[17]
  • Africa Music Awards 2008- 'Club DJ of the Year'[18]
    • Nigerian Music Awards UK 2006 – 'Entertainment Journalist of the Year'[19]
    • AEPEG Awards 2006 – 'Outstanding Entertainment Personality of the Year'
    • Academy of Creative Arts in Nigeria (ACAN) 2006 – Inducted as Honorary Member[20]

Dwuma Afofor

[sesa mu | sesa ekyirsɛm]
  • UK Nollywood Movie Premieres [21]Organiser
  • Wazobia Lounge at Africa Olympics Village[22] London, 2012. Media and Entertainment co-ordinator.
  • Super Eagles vs Black Stars of Ghana International Friendly in London October 2011. Media Consultant.
  • Kanu Heart Foundation UK Charity Gala 2006.[23] Official DJ
  • Intro Independence Tou', Napoli Italy, London UK and Dublin Ireland 2005. Co-Producer.
  • Intro Afro-Hip Hop Jam, Atlanta US 2005. Official DJ
  • Big Nigerian Independence Intro Jam[24] & Intro Summer Jam series, London UK 2003 – 2005. Co-Producer with Ayo Shonaiya.
  • Nigeria Corner Notting Hill Carnival[25] London UK 1986–Present. Founding participant of the famous Nigerian Corner at the annual Notting Hill Carnival in London. Co-organiser and Official DJ from 1997 at the Cambridge Gardens site (except for 2007 and 2008 when the site was closed). Dj Abass is part of the team that resurrected the Nigeria Corner at the new site on Adela Road from 2009 till date.

N'abrabɔ

[sesa mu | sesa ekyirsɛm]

DJ Abass waar Adenike na wɔwɔ mba ebien-Toby na Tomi. Ɔyɛ Arsena bɔɔlbɔkuw no n'ekyirtaafo, bɔɔlbɔlkuw a nna n'egya so yɛ n'ekyirtaafo.

Mboayɛdze

[sesa mu | sesa ekyirsɛm]
  1. ↑ "DJAMEDIA – Media Consulting and Promotion". Djamedia.com. Retrieved 18 May 2020.
  2. ↑ 2.0 2.1 2.2 "Abass Abayomi Tijani (DJ Abass". Africa Boku Talent. Retrieved 24 August 2024.
  3. ↑ "Dj Abass - United Kingdom | LinkedIn". Archived from the original on 25 December 2012. Retrieved 21 October 2012.
  4. ↑ 4.0 4.1 4.2 "DJ Abass: Celebrating Black Excellence In Broadcasting And Entertainment". Duke International Magazine. 16 May 2021.
  5. ↑ "DJ ABASS: On the Evolution of Afrobeats". Gazelle Africa. Retrieved 24 August 2024.
  6. ↑ "NIGERIAN DJs UK Green & White Industry Party 2011 (Pt1 of 2)". Facebook.com. Retrieved 18 May 2020.
  7. ↑ "BBC Radio 1Xtra - DJ Edu - Destination Africa, Guest Mix From DJ Abass Repping Nigeria". BBC. Retrieved 18 May 2020.
  8. ↑ "Redirecting". Archived from the original on 4 March 2016. Retrieved 20 January 2012.
  9. ↑ "ANCHOR BABY UK PREMIERE IN PICTURES". Thenigerianvoice.com. Retrieved 18 May 2020.
  10. ↑ "DJAMEDIA's Fotos from The World Premiere of THE MIRROR BOY". Nigeriaa2z.com. 28 February 2011. Retrieved 18 May 2020.
  11. ↑ "ANCHOR BABY UK PREMIERE IN PICTURES". Modern Ghana.
  12. ↑ "ANCHOR BABY UK PREMIERE IN PICTURES". Modern Ghana.
  13. ↑ "Black TV Guide » Afro Hair and Beauty LIVE 2013". Archived from the original on 16 January 2014. Retrieved 1 January 2012.
  14. ↑ "DJAMEDIA UK: PHOTOS: Wande Coal, Kiss Daniel, Patoranking & others shine at Smade Easter Afrofest 2016". Djamediauk.blogspot.com. 1 April 2016. Retrieved 18 May 2020.
  15. ↑ "Welcome to The Bustline Blog: @ THE 18TH AFRICAN FILMS AWARDS UK". Bustlineyetundeoduwole.blogspot.com. 7 November 2014. Retrieved 18 May 2020.
  16. ↑ "NEL Awards | Rewarding Excellence". Archived from the original on 7 March 2014. Retrieved 7 March 2014.
  17. ↑ "PRESS RELEASES « BEFFTA AWARDS". Beffta.com. Archived from the original on 22 October 2022. Retrieved 18 May 2020.
  18. ↑ "Opinions, discussions, blogs and feature articles about Ghana". Ghanaweb.com. Retrieved 18 May 2020.
  19. ↑ "CAST YOUR VOTE". Modernghana.com. Retrieved 18 May 2020.
  20. ↑ "Encomium Magazine: The Magazine & Awards Company". Archived from the original on 15 October 2011. Retrieved 2 January 2012.{{cite web}}: CS1 maint: unfit URL (link)
  21. ↑ "DJAMEDIA UK: Photos from 'An Evening With Funke Akindele' in London." Djamediauk.blogspot.com. 12 June 2016. Retrieved 18 May 2020.
  22. ↑ "AllAfrica.com: Africa: First Ever Africa House During London Olympics". Archived from the original on 4 September 2012. Retrieved 5 September 2012.
  23. ↑ "Welcome to Amlap Publishing". Amlappublishing.com. Archived from the original on 23 March 2012. Retrieved 18 May 2020.
  24. ↑ "YouTube – Gbenga Adeyinka 1st @ BIG2004". YouTube. Retrieved 18 May 2020.
  25. ↑ "Nigerian Corner at Notting Hill Carnival 2012 on Adela Street | Sturvs". Archived from the original on 25 August 2012. Retrieved 21 October 2012.
Woyii fii "https://fat.wikipedia.org/w/index.php?title=DJ_Abass&oldid=48960"