Charles Asuako Owiredu
Hon. Charles Asuako Owiredu MP | |
|---|---|
| Member of the Ghana Parliament for Abirem Constituency | |
| Assumed office January 2025 | |
| Preceded by | John Frimpong Osei |
| Personal details | |
| Born | 7 June 1975 Akyem Afosu |
| Nationality | Ghanaian |
| Political party | New Patriotic Party |
| Children | 3 |
| Residence | Ghana |
| Alma mater | Ghana National College Komenda College of Education University of Cape Coast University of London University of Sunderland |
| Occupation | Politician, Diplomat |
| Profession | Teacher |
Charles Asuako Owiredu (wɔwoo no Obiradzi 7, 1975) ɔyɛ Ghananyi amanyɛnyi, ɔyɛ mbrahyɛbaguanyi na seseiara ɔyɛ Abirem Ambatowmpasoa a ɔwɔ Boka Mantɔw mu hɔn Mbrahyɛbaguanyi. ɔsoom dɛ Ghana Ananmusinyi wɔ South Africa, Seychelles na Mauritius.
Abrabɔ ahyɛse na nwomasua
[sesa mu | sesa ekyirsɛm]Wɔwoo Owiredu wɔ Akyem Ofosu a ɔwɔ Birim Etsifi Mansin a ɔwɔ Boka Mantɔw mu wɔ Ghana. Onyaa no ‘O’ level nwomasua wɔ Ghana National College wɔ afe 1993 mu. Ekyir yi onyaa Akyerɛkyerɛfo Abɔdzin Krataa ‘A’ wɔ afe 1996 mu fir Komenda College of Education na ɔwɔ do kɔr Oguaa Osuapɔn kɛyɛɛ no Bachelor of Education wɔ afe 2023 mu. Onyaa Bachelor’s of law fir London Osuapɔn mu na Masters wɔ Mbra mu fir Sunderland Osuapɔn mu wɔ afe 2021 na 2024 ndzidzi do mu.
N’amanyɛ Edwuma
[sesa mu | sesa ekyirsɛm]Charles Asuako Owiredu gyinaa New Patriotic Party hɔnho ambatow no wɔ Sanda 2024 mu na odzii nkonyim wɔ dɛm nkan no mbrahyɛbaguanyi a wɔfrɛ no John Frimpong Osei do nkonyim dze bɛyɛɛ nyimpa a ɔreper mbrahyɛbagua egua no wɔ 2024 Ghanafo Nyina Ambatow mu. Wɔ Mumu, 2024 ambatow mu no, odzii nkonyim wɔ 2024 Ghanafo Nyina ambatow mu wɔ New Patriotic Party amanyɛkuw mu na ɔdze amba 18,008 a ɔkyerɛ ɔha mu nkyekyɛmu 60% wɔ amba krɔngyin no mu ber a nyimpa a ogyinaa maa National Democratic Congress, Nurudeen Fuseini so nyaa amba 12,003 a ɔkyerɛ ɔha mu nkyekyɛmu ɔha mu nkyekyɛmu 40% wɔ amba no Nyina mu.
Wɔfaa no dɛ Ghana Ananmusinyi wɔ South Africa a ɔyɛ Nkan Ghana Mampanyin Nana Akuffo-Addo yɛɛ dɛm. Ekyir yi wɔfaa no dɛ Ghana Ananmusinyi wɔ Seychelles. ɔsan so dze Ghana Ananmusinyi a ɔwɔ Mauritius kaa ho a nna ɔnntse hɔ.
ɔsan soom dɛ Soafo Abadziekyir a ɔhwɛ Amanadze Nsɛm do wɔ Nkan Mampanyin Nana Akuffo-Addo N’amambu a odzi kan no mu.