Bright Wireko-Brobby

Hon Bright Wireko-Brobby
Incumbent
Assumed office Sanda 7, 2017
Personal details
Born	Bright Wireko-Brobby (1972-01-06) 6 January 1972 Twifo Hemang, Ghana
Nationality	Ghananyi
Political party	New Patriotic Party
Alma mater	Kwame Nkrumah University of Science and Technology, University of Dortmund
Occupation	Amanyɛnyi
Profession	Mbranyimfo
Committees	Trade, Industry and Tourism Committee, Local Government and Rural Development Committee

Bright Wireko-Brobby (wɔwoo no Sanda 6, 1972) yɛ Ghana Amanyɛnyi na baguanyi wɔ Mbrahyɛbagua a ɔtɔdo Awɔtwe wɔ Ghana Kwasafoman a Otsia Anan a ogyinaa Hemang Lower Denkyira Mpasuar a ɔwɔ Finimfin Mantɔw mu anan mu wɔ New Patriotic Party tsikitsi do. Ɔsanso yɛ Ɔsoafo Abadziekyir dze ma Edwumafa na Edwumayɛfo ntamu Ebusuabɔ.

Ɔbra ahyɛse na nwomasua

Sanda 6, 1972 mu na wɔwoo Wireko-Brobby na ofi Twifo Hemang wɔ Finimfin Mantɔw mu wɔ Ghana.[2] Ɔwɔ M.S.C wɔ Nhyehyɛɛ mu na L.L.B wɔ Mbra Skuul mu wɔ Kwame Nkrumah Suapɔn a ɔhwɛ hwɛ Nyansahu na Mfirdwuma do. Ɔtoaa do kɔr Dortmund Suapɔn mu beebi a onyaa Postgraduate Diploma wɔ Spatial Planning mu.[5][6]

Edwuma

Wireko-Brobby n'ahyehyɛdze tse dɛ USAID, UNHCR na UNDP ayɛ edwuma. Ɔnye Ghana Nwomasua Dwumadzibea so yɛɛ edwuma.[3] Na ɔsanso yɛ Ɔkwankyerɛfo Panyin a ɔhwɛ Mpɔtamu Tumdzi Mfɛfo do.[2]

Amanyɛsɛm

Wireko-Brobby yɛ Ɔman Ho Dɔ Kuw Fofor no kuwba. Mprempren yi, ɔyɛ Mbrahyɛbaguanyi ma Hemang Lower Denkyira Mpasuar a ɔwɔ Mfinimfin Mantɔw mu.[2]

2016 abatow

Afe 2016 Ghana amansan abatow mu no, odzii nkonyim wɔ Hemang Lower Denkyira Mpasuar mbrahyɛbagua no mu a onyaa amba 15,043 a ɔyɛɛ 58.4% wɔ aba a wɔtowee no nyinaa mu ber a NDC mbrahyɛbaguanyi Foster Joseph Andoh nyaa amba 10,338 a ɔyɛɛ abatow a wɔtowee no nyinaa mu 40.1%, PPP mbrahyɛbaguanyi Paul Kinsley Ambantem nyaa amba 257 a ɔyɛɛ Abatow a wɔtowee nyinaa mu 1.0% na CPP mbrahyɛbagua kandzifo John Felix Krampah nyaa abatow 119 a ɔyɛɛ aba a wɔtowee nyinaa mu 0.5%.[7]

2020 abatow mu

Afe 2020 Ghana amansan Abatow mu no, ɔsan dzii nkonyim wɔ Hemang Lower Denkyira Mpasuar mbrahyɛbagua no mu a onyaa amba 14,791 a ɔyɛɛ abatow a wɔtowee no nyinaa mu 52.9% ber a NDC mbrahyɛbaguanyi Foster Joseph Andoh nyaa amba 12,692 a ɔyɛɛ abatow a wɔtowee no nyinaa mu 45.4% na GUM mbrahyɛbaguanyi Appiah Kubi nyaa amba 473 a ɔyɛɛ abatow a wɔtowee nyinaa mu 1.7%.[8]

Boayikuw ahorow

Wireko-Brobby yɛ Eguadzi, Ndwuma na Nsrahwɛ Boayikuw no kuwba na ɔsan yɛ Mpɔtamu Aban na Nkuraase Nkɔdo Boayikuw no baguanyi.[2]

Ankorankor asetsena

Wireko-Brobby yɛ Kristonyi [9].