Blay Nyameke Armah
Blay Nyameke Armah yɛ Ghanaian Mbranyimfo na mbrahyɛbaguanyi a ɔsom wɔ mbrahyɛbaguafie kuwba ma Sekondi mpasuar wɔ Mbrahyɛbagua a otsia akorɔn no mu wɔ Ghana Kwasafoman a ɔtɔdo anan. National Democratic Congress (NDC) tsikitsi do na wɔpaaw no.[1][2]
Ɔbra ahyɛse na nwomasua
[sesa mu | sesa ekyirsɛm]Wɔwoo Armah wɔ Ɔberɛfɛw 25, 1974 wɔ Sekondi, a ɔwɔ Sekondi-Takoradi Kuropɔn a ɔwɔ Ghana Atɔe Mantɔw mu. Ne mbofraber mu nwomasua hyɛɛ ase wɔ St. Andrews Anglican Day Nursery a ɔwɔ Sekondi na afei Young Christian Preparatory School a ɔwɔ Takoradi beebi a ɔkyerɛɛw Common Entrance Examination maa ne Nsɔwdo nwomasua. Ɔdze ne dzin kɛhyɛɛ Kwame Nkrumah Senior High School (nkan no nna ɔyɛ Nsien Secondary School) a ɔwɔ Axim wɔ Ghana Atɔe Mantɔw mu maa ne Ordinary Level Certificate. Wɔgyee no kɔr University Practice Secondary School (UNIPRA) a ɔwɔ Oguaa a ɔwɔ Mfinimfin Mantɔw mu wɔ Ghana no mu maa ne Gyinapɛn esia adzesua na onyaa Advanced Level Certificate. Ɔsoom dɛ Enyigyedze Prefect wɔ UNIPRA na nna ɔyɛ mbiritufo a osi akan wɔ mita 400 mbirikatu mu na ɔyɛ botae hwɛdofo wɔ mbarimba bɔɔlbɔ kuw no mu. Ne ntoado skuul hyɛɛ ase wɔ Ghana Suapɔn mu beebi a ɔkenkaan Public Administration. Ekyir yi otuu kɔr United Kingdom, beebi a onyaa adzesua ekyir abɔdzin krataa wɔ Nyimpa Hokwan na Etubrafo Mbra na Adzeyɛ mu wɔ Birmingham Kuropɔn Sukuupɔn mu. Ekyir yi onyaa Mbra mu Master of Laws wɔ Westminster Sukuupɔn mu na ɔsanso nyaa ne Legal Practice Certificate (LPC).[2]
Edwuma
[sesa mu | sesa ekyirsɛm]Armah nyaa ne ntsetsee a ɔdze yɛ edwuma wɔ CW Law Solicitors. Ɔyɛɛ edwuma wɔ Cool Running Cleaning Limited a ɔwɔ United Kingsom no kwankyerɛfo. Ɔsanso yɛɛ etubrafo ho ɔfotufo na asɛm ho edwumayɛfo wɔ The Hurricane, CW Law Solicitors, na Armah Bola Law Practice.[3]
Amanyɛ ndwuma
[sesa mu | sesa ekyirsɛm]Wɔpaw Armah dɛ ɔmbɛyɛ Mbrahyɛbagua no wɔ NDC tsikitsi do, na odzii Andrew Egyapa Mercer do nkonyim dɛ ongyina Sekondi mantɔw anan mu wɔ Mbrahyɛbagua a Ɔtodo Akrɔn no mu.[3]
Ankorankor asetsena
[sesa mu | sesa ekyirsɛm]Armah fi Nzema ebusuakuw mu, Akanfo kuw Kakraba bi a wɔtse Ghana Atɔe Mantɔw na Côte d’Ivoire mbea no bi. Ɔyɛ Kristonyi.
Nhwɛdo
[sesa mu | sesa ekyirsɛm]- ↑ Asare, Wilberforce (2023-06-23). "ARTICLE: The legacy of R S Blay lives on". Asaase Radio (in American English). Retrieved 2025-05-04.
- ↑ "General Legal Council chases Sekondi NDC parliamentary candidate". Modern Ghana. August 29, 2024.