Big Men (film)
| Title | Big Men  |
|---|---|
| Genre | documentary film |
| Publication date | 14 Ebɔw 2014 |
| Country of origin | United States |
| Original language of film or TV show | English |
| Director | Rachel Boynton |
| Review score | 100%, 7.9/10 |
| Distribution format | video on demand |
Sen a ɔdze Big Men yɛ nkyerɛwtohɔ asɛm bi a wɔyɛɛ no sen a Rachel Boyton yɛe na ɔdandaan no mu nsɛm nyina so. Obue dza ɔkɔ do wɔ fangowtu edwuma no mu no do yie, na ɔkyerɛ mbrɛ wosii yɛɛ fangowtu bea fofor bi wɔ Ebibir Atɔe afamu, no prɔwee kankan , na ndom so a odzi ekyir no.Sen no fa dwumakuw bi a ɔdze Kosmos Energy a ofi Texas a n'ewuranom yɛɛ dɛ wobobue fangowtubea fofor wɔ Jubilee Field a ɔwɔ Ghana mpoano beebi. Osian sika a ɔbɔkɔ mu papaapa ntsi, Kosmos dwumakuw no hwɛɛ dɛ hɔn a wɔnye hɔn yɛ edwuma wɔ Ghana, hɔn a wɔwɔ New York wɔdze hɔn sika hyɛ edwuma no mu , na Sikasɛm ntotoe basaa a ɔma fangow nnya bo no nyina do botwa. Sen no san hwɛ Alataman hɔn fangowtubea kɛse a ɔwɔ Niger Delta no mu prɔwee kankan a akɔ do mfe pii no na mpontu papa biara so enntum annkɔ do wɔ mu ntsi, ama binom asoɛr reper dɛ wobenya kyɛfa wɔ mfaso a fangowtu no dze ba no bi. Sen no baa gua do wɔ Ebɔw 14, 2014 mu na nkorɔfo enyi gyee ho papaapa so.
Nsɛmpɔw Nhyehyɛɛ
[sesa mu | sesa ekyirsɛm]Nkyerɛwtohɔ asɛm a wɔtoo ne dzin "Big Men" a Rachel Boynton yɛe no poɛpoɛ fangowtu edwuma no mu wɔ Ebibir aman Ghana na Alataman mu.[1] Sen no fa ber a Amɛreka man mu fangowtu dwumakuw bi a ɔdze Kosmos Energy hun fangowbea kɛsenara wɔ Ghana mpoano beebi a wɔyɛɛ dɛ wɔbɛma mfaso aba ho no.[2]
Sen no n'ahyɛse no, ɔda agofomba etsitsir no edzi, a wɔnye Kosmos Energy dwumakuw no mu mpanyimfo na Ghana amanyɛfo. [3] Afei, ɔtoa do hwɛ mfirdwuma ho nyimdzee a ɔyɛ hɔn haw na ɔhaw a ɔfa mbrɛ wobesi enya akadze ahorow dze edzi dwuma ahwehwɛ fangow no na woeetum so etu wɔ bea a ɔtse dɛm no. [3]Ber a fangowtu no rutu mpon no, sen no san hwɛ nsunsuando a onya wɔ nkurow a ɔwɔ Ghanaman no mu na amanyɛsɛm nyina do so.
Ber a sen no rokɔ do no, ɔsan hwɛ fangowtu edwuma a ɔwɔ Alataman mu no so, na ɔdze enyi tsim mbrɛ nkabɔmu kuw bi a wɔdze MEND(the Movement for the Emancipation of the Niger Delta) reper fangowtu yi ho mfaso no bi na kwan a wɔfa do a ɔmma fangowtu no ho dwumadzi ahorow nntum nnkɔ do na mbrɛ wosiw aban no kwan dɛ noara bɔhwɛ hɔn egyapadze a ɔtse dɛm no do so.[4]
Ber a wɔreka dza osi wɔ aman ebien yi do kyerɛ no, ɔtwe adwen si mbrɛ osi yɛ dzen dɛ Ebibir mu aman a wɔwɔ abɔdze mu ndzɛmba pii mu no, nkitahodzi papa botum abɛda fangowtu ndwumakuw akɛse ahorow a wɔwɔ aman afofor do, amamba no, na aban no hɔn ntamu.[5] Ɔsan ma yehu mbrɛ nyimpa nsa ka ahonyadze na tum, nna mbrɛ basabasayɛ na prɔwee kankan botum esian fangowtu edwuma no mu wɔ mbea a ɔtsetse dɛm no.[6]
Ne Yɛ Mu
[sesa mu | sesa ekyirsɛm]Wɔhyɛɛ ase twaa sen no wɔ afe 2007 mu dze kesii 2011 mu wɔ Ghana na Alataman mu nyina. [7]
Mbrɛ Nkorɔfo Sii Gyee Sen No
[sesa mu | sesa ekyirsɛm]Nyimpa pii kaa Big Men sen no ho nsɛm pa. Metacritic do no,ref name="Metacritic"/> and a 100% rating on Rotten Tomatoes.[8] onyaa 90 wɔ amba 100 mu, na Rotten Tomatoes do so,onyaa ɔha nkyekyɛmu ɔha pɛpɛɛpɛr. Jeanette Catsoulis dze too gua wɔ The New York Times mu dɛ sen no twa mbrɛ wiadze ankorankor ndwumakuw si dzi dwuma fa na ɔdaa n'enyigye wɔ ho edzi dɛ, wɔmaa ɔkɔr nyimpa pii hɔn nkyɛn a woemmbu obiara atsɛn.[9] Alan Scherstuhi dze too gua wɔ The Village Voice mu dɛ,"Sen no nnyɛ dza ɔsoɛr tsia enyimberfo a wɔnam ehiafo do nya hɔnho tam do na mbom no otwa mfonyin a no mu da hɔ yie bi kyerɛ hɛn.[10]"
Stephanie Merry nam The Washington Post do dze too gua dɛ. "Boynton ne sen "Big Men" no fa biribi a no mu ntseasee nnda hɔ, ɔfa dze senkyerɛkyerɛ mu yie, na ɔka asɛm a no hwɛ yɛ enyigye na ɔsan kyerɛkyerɛ hɛn wɔ enyiber na nyimpa su ho.[11]
Mboaedze
[sesa mu | sesa ekyirsɛm]- ↑ Ebert, Roger (2014). "Big Men". RogerEbert.com.
- ↑ Holden, Stephen (2014). "'Big Men,' a Documentary, Explores the Oil Business in Africa". The New York Times.
- ↑ 3.0 3.1 Rooney, David (2014). "'Big Men': Film Review". The Hollywood Reporter.
- ↑ Holden, Stephen (2014). "'Big Men,' a Documentary, Explores the Oil Business in Africa". The New York Times.
- ↑ Ebert, Roger (2014). "Big Men". RogerEbert.com.
- ↑ Rooney, David (2014). "'Big Men': Film Review". The Hollywood Reporter.
- ↑ "Big Men The Movie". Retrieved February 7, 2017.
- ↑ "Big Men (2014)". Rotten Tomatoes. 14 March 2014. Retrieved February 7, 2017.
- ↑ Catsoulis, Jeannette (March 14, 2014). "Oil Money, and Where It Flows". The New York Times. Retrieved February 7, 2017.
- ↑ Scherstuhl, Alan (March 12, 2014). "Big Men Reveals How the World of Oil Actually Turns". The Village Voice. Retrieved February 7, 2017.
- ↑ Merry, Stephanie (March 27, 2014). "'Big Men' movie review: Pandora's Box filled with black gold in Africa". The Washington Post. Retrieved February 7, 2017.