Bede Ziedeng

Hon. Bede A. Ziedeng MP
President	John Dramani Mahama
Personal details
Born	Ghana
Nationality	Ghananyi
Political party	NDC
Profession	lawyer
Portfolio	Deputy Regional Minister (Upper West Region), Regional Minister Upper West Region/ Northern Region, National Deputy Director of elections N D C

Bede Anwataazumo Ziedeng (wɔwoo no Fida, Ɔbɛsɛ 22, 1954) a dodow ara nyim no dɛ Bede Ziedeng yɛ Ghana Amanyɛnyi . Afe 2008 mu no, Bede Ziedeng gyinaa Lawra-Nandom Mbrahyɛbagua ambatow no mu wɔ Democratic Freedom Kuw no tsikitsi do. Odzii nkogu ma Hon. Ambrose Dery a ɔyɛ New Patriotic Party kuwba no dzii nkonyim. Ziedeng dzii dwuma dɛ Ɔkyerɛwkyerɛwfo panyin (General Secretary) maa Democratic Freedom Kuw (DFP) no wɔ afe 2006 mu.

Ɔbra ahyɛse na nwomasua

Bede Ziedeng fi Eremon-Lawra a ɔwɔ Etsifi Atɔe Mantɔw mu.[3] Onyaa ne Ordinary na Advance level adansedzi krataa wɔ afe 1978. Bede Ziedeng nyaa LLB Hons wɔ afe 1984 mu na Mbra mu Mbranyimfo Panyin wɔ afe 1986 mu.[4]

Edwuma

Bede Ziedeng yɛ sikakorabea kyerɛwfo a ɔhwɛ adan na adansi do. Nna ɔyɛ Mansin guamtsenanyi wɔ "Office of Revenue Commissioners" (Etsifi & Etsifi Atɔe). Ɔsoom dɛ Mansin Soafo Abadziekyir a ɔhwɛ Etsifi na Etsifi Atɔe Mantɔw mu so. Ɔka Mbrahyɛbagua Boayikuw no ho dɛ Oguamtsenanyi Abadziekyir wɔ mbrahyɛbagua no mu.

Bede Ziedeng sanso som wɔ Akwan na Ahɛn (Transport) edwumakuw mu wɔ mbrahyɛbagua no mu.[5]

Afe 2008 mu no, Ziedeng dze Kabi-Ma-Menka-Bi Fahodzi Kuw (Democratic Freedom Party) tsikitsi sii akan wɔ Lawra-Nandom Mbrahyɛbagua no mu, naaso odzii nkogu wɔ Hon. Ambrose Dery a ɔwɔ Ɔman Ho Dɔ Kuw Fofor no mu. Afei osii akan wɔ afe 2016 mbrahyɛbagua abatow mu, na ɔsan dzii nkogu bio.[6][7] Bede Ziedeng sii akan wɔ afe 2020 mu na odzii nkonyim. Ɔyɛ mbrahyɛbaguanyi (MP) ma Lawra Mpasuar a ɔwɔ Etsifi Atɔe Mantɔw mu. [8][9][10]

Ankorankor asetsena

Bede Ziedeng yɛ Kristonyi.