Andrew Egyapa Mercer

Hon. Andrew Kofi Egyapa Mercer
Mbrahyɛbaguanyi dze ma Sekondi mpasuar
Incumbent
Assumed office Sanda 7, 2017
President	Nana Akuffo-Addo
Preceded by	Papa Owusu-Ankomah
Personal details
Born	Andrew Kofi Egyapa Mercer (1973-05-25) 25 May 1973 Ghana
Nationality	Ghananyi
Political party	New Patriotic Party
Alma mater	Adisadel College, University of Ghana, Ghana School of Law
Occupation	Amanyɛnyi
Profession	Mbranyimfo

Andrew Kofi Egyapa Mercer (wɔwoo no Esusuow-Aketseaba 25, 1973) yɛ GhanaMbranyimfo na amanyɛnyi. Ɔyɛ New Patriotic Party kuwba. Ɔyɛ Mbrahyɛbaguanyi a ne mber soe nnkyɛree wɔ Sekondi Mpasuar a ɔwɔ Atɔe Mantɔw mu wɔ Ghana. Odzii Papa Owusu-Ankomah, a ɔayɛ MP mfe eduonu no n'adze.

Ahyɛse asetsena na nwomasua

Sekondi a ɔwɔ Ghana Atɔe Mantɔw mu na wɔwoo Andrew Kofi Egyapa Mercer. Nna ne maame James Mercer a ɔyɛ Ghana mbranyimfo na ɔmampanyin. Ɔkɔr Chapel Hill Ahosiesie Skuul a ɔwɔ Takoradi maa n'ahyɛse adzesua. Ɔkɔr Adisadel College a ɔwɔ Oguaa, hɔ so ara na ɔsanee nyaa ne GCE Ordinary level na GCE Advanced level adansedzi nkrataa nyinaa.[1] Onyaa kwan kɔr Ghana Suapɔn mu, na onyaa Honors wɔ Bachelor of Arts wɔ Humanities na Bachelor of Laws mu. Osuaa adze wɔ Ghana Mbra Skuul mu na ɔfata dɛ mbranyimfo wɔ Ghana ber a odzii ne mbranyimfo nsɔhwɛ mu ekyir. [1]

Edwumayɛfo edwuma

Egyapa Mercer hyɛɛ n’edwuma ase dɛ osuanyi wɔ Messrs. Acquah-Sampon and Associates, mbranyimfo edwumakuw bi a ɔwɔ Nkran wɔ afe 2004. Ɔdze noho bɔɔ First Atlantic Bank wɔ Nkran wɔ afe 2007 mu dɛ ɔpanyin boafo na onyaa nkɔdo bɛyɛɛ mbra dwumadzibea no panyin. Ber a ɔwɔ First Atlantic no, osii akan na odzii nkogu wɔ afe 2011 Mbrahyɛbagua ahyɛse abatow no mu a ɔfa New Patriotic Party a ɔwɔ Sekondi no enyim wɔ Papa Owusu-Ankomah a odzi tum sesei no enyim.[5] Ogyaa edwuma wɔ afe 2013 mu kɛhyehyɛɛ Messrs. Mercer and Company, edwumayɛkuw na sikasɛm ho mbra edwumakuw a ɔwɔ Nkran.[1]

Amambu asetsena

Egyapa Mercer dzii kan hyɛɛ amanyɛkuw amambusɛm mu wɔ afe 2011 mu ber a osii akan wɔ Sekondi Mpasuar NPP mbrahyɛbagua primary no mu. Ɔnye nyimpa beenu fofor a wɔpɛ dɛ wɔyɛ dɛm no sii akan: ɔmampanyin a nna ɔwɔ hɔ dɛm ber no, Owusu Ankomah, na Kweku Sam Amoah. Ɔhweer primary no maa Owusu-Ankomah.[5] Osii gyinae dɛ ɔbɛsan esi akan wɔ 2016 mbrahyɛbagua abato no mu bio wɔ New Patriotic Party no tsikitsi do. Iyi sii ber a dɛm ber no Mbrahyɛbaguanyi Owusu-Ankomah sii gyinae dɛ orinnsi akan wɔ nkongua no toatoaa do mpɛn enum no ekyir.[6] Egyapa Mercer dze ne nkrataa kɛmaa ahyɛse abatow no wɔ Esusuow-Aketseaba 2015 mu na osii akan a obiara enntsia no wɔ afe 2015 ahyɛse abatow no mu.[7] Ɔyɛ Kristonyi.[8]

Mbrahyɛbagua no mu abatow

Egyapa Mercer hyɛɛ n'asatu ase wɔ Dzifuu 14, 2016 wɔ Sekondi. Ber a worifi ase no, akasafo ahorow a Alan John Kyerematen ka ho tuu abatowfo no fo dɛ wɔntow aba mma Egyapa Mercer na Nana Akuffo-Addo dɛ hɔn mbrahyɛbaguanyi na hɔn Tsitsenanyi.[9] Ansaana Mumu 2016 abatow no reba no, wɔhyehyɛɛ dwumadzi ahorow bi dze kyerɛɛ hɔn a wɔpɛ dɛ wɔpaw hɔn ahorow no kyerɛɛ hɔn a wɔpaaw no. Iyinom mu kor ne mansin ho ekyingyegye a ɔkɔr do maa amambu ekuw ahorow n'abaguafo ahorow a wɔpɛ dɛ wɔpaw hɔn wɔ Sekondi Methodist Park no.[10] Egyapa Mercer dzii nkonyim wɔ mbrahyɛbagua abatow no mu ɔnam Emmanuel Assifuah a ofi National Democratic Congress, Daniel Essuman a ofi Progressive People’s Party, na Peter Arthur a ofi Convention People’s Party mu a odzii nkonyim no do. Egyapa Mercer nyaa abatow 16,839, a ɔyɛ 59.47% wɔ abatow a ɔfata nyinaa mu.[11]

Mbrahyɛbaguanyi

Dɛ Mbrahyɛbaguanyi no, Egyapa Mercer nye hɔn a wɔpaaw no no dzii nkitaho dzendzenndzen na odzii bɔ ahorow a ɔhyɛɛ wɔ ɔsatu kwan no do no sdo. N’ayeforhyia ahorow no bi na kɔmputa ahorow enum a wɔdze dzi dwuma wɔ pon do na ndzɛmba a wɔdze boa a nobo yɛ U.S. dɔla 4,000 a ɔdze maa Sekondi Nwomakorabea no. Nna iyi bɛma adzekyerɛ na adzesua etu mpɔn wɔ mansin no mu.[12] Ɔsanso boaa ma wotuaa kaw a Sekondi Eleven Wise, Division 1 bɔɔlbɔ kuw a ɔwɔ mansin no mu, dze GH₵5,000 dze maa no; afofor a wɔboaa no tuaa GH₵1,300 a aka no dze tuaa "officiating fees".[13]