Andrew Asiamah Amoako
Hon. Andrew Asiamah Amoako | |
|---|---|
 | |
| Second Deputy Speaker of Parliament, Member of Parliament for Fomena Constituency | |
| Assumed office Sanda 7, 2021 | |
| Preceded by | Alban Bagbin |
| Majority | 3,394 |
| Personal details | |
| Born | Andrew Asiamah Amoako 24 February 1966 Wioso Adansi, Ghana |
| Political party | Independent (2021-present) New Patriotic Party (until 2021) |
| Spouse | Grace Owusu Ansah |
| Alma mater | Kwame Nkrumah University of Science and Technology Ghana School of Law |
| Occupation | Politician |
| Profession | Land Officer, Valuer, Lawyer |
| Committees | Members Holding Offices of Profit Committee (Chairperson); Standing Orders Committee; Subsidiary Legislation Committee; Education Committee; Mines and Energy Committee |
Andrew Asiamah Amoako (Kwakwar 24, 1966) yɛ Ghana Mbranyimfo, amanyɛnyi na mbrahyɛbaguanyi wɔ Mbrahyɛbagua a ɔtɔ do Awɔtwe wɔ Ghana Kwasafoman a otsia Anan no mu, a wɔpaaw no kɔr ɔfese wɔ Mumu 2020 dɛ "Independent candidate".[1][2][3] Mpremprem yi, ogyina Fomena Mpasuar a ɔwɔ Asante Mantɔw mu anan mu. Ɔyɛ "Deputy Speaker" wɔ Mbrahyɛbagua a otsia Awɔtwe wɔ Republic of Ghana a ɔtɔdo ebien. [4][5][6][7]
Ɔbra Ahyɛse na Nwomasua
[sesa mu | sesa ekyirsɛm]Wɔwoo Amoako wɔ Kwakwar 24, 1966 wɔ Wioso-Adansi wɔ Asante Mantɔw mu. Ɔwɔ MSc wɔ "Environmental Resources Management" mu, Master of Arts wɔ Basabasayɛ Nsiwano (Conflict Resolution) mu na LLB (Law) wɔ Kwame Nkrumah University of Science and Technology na edwumayɛfo mbra tum krataa (BL) wɔ Ghana School of Law.[8] Onyaa Masters of Art wɔ Kofi Annan Int. Asomdwee Bea, BACHELOR OF SCIENCE wɔ UST, Diploma in Surveying Practice fir Ghana Institution of Surveyors.
Edwuma
[sesa mu | sesa ekyirsɛm]Ansaana ɔrokɔ amanyɛsɛm mu no, nna ɔyɛ mbrantimfo wɔ Minka Premo and Co. (Akosombo Chambers). Nba ɔyɛ Egyapadze hwɛdofo, Asaase hwɛdofo na Botae hwɛdofo wɔ Kumasi Kuropɔn Nhyiamu.[9]
Amanyɛsɛm
[sesa mu | sesa ekyirsɛm]Ber a osii gyinae dɛ orinnsi akan wɔ kuw no primaries ansaana afe 2020 amansan abatow no aba, osiandɛ nna mbrɛ nankasa no kuw no yɛɛ no wɔ kwan a ɔnntsew do ntsi, osii gyinae dɛ obegyina dɛ obi a ɔdze no ho. Nna ɔyɛ New Patriotic Party (NPP) no kuwba, a wɔgyee n’amanyɛ mbra no Ahyɛdze 3(9) too mu, na otwaa ne muniyɛ mu na ɔbɔɔ Mbrahyɛbagua no Kasafo amandzɛɛ, na ɔbɔɔ amandzɛɛ dɛ n’akongua no da mpan wɔ Ɔbɛsɛ 13, 2020 wɔ Amansan Mbra no Ahyɛdze 97 (1)g mu nhyehyɛɛ no ase. Amoako kasaa tsiae dɛ, sɛ wɔpam no fi kuw no mu a, ɔnnkyerɛ dɛ ɔnnyɛ mbrahyɛbaguanyi bio, na Ghana Mbrahyɛbagua no nkutoo na wobotum etwa ne dzibea dɛ ɔmampanyin a wɔapaw no no mu. Mbranyimfo Kwaku Asare na Amoako yɛɛ adwen, na ɔkaa dɛ egyinasi a ɔtse dɛm no yɛ mbra mu asɛm a ɔhyɛ Asɛndzibea Tsitsenanyi no tum ase, dɛ mbrɛ wɔakyerɛw wɔ Ahyɛdze 99(1) a ɔwɔ Ɔman Mbra no mu no.[10][11][12]
Amoako dzii kan dzii nkonyim wɔ Fomena mbrahyɛbagua no mu wɔ Mumu 2016 abatow no mu a 14,823 gyinaa hɔ maa 72.7% wɔ New Patriotic Party tsikitsi ase.[13]
Naaso, wɔ Mumu 2020 abatow mu no, ber a ɔtseew no ho fir kuw no ho dɛ obegyina dɛ obi a ɔdze no ho no, onyaa abatow 12,805, na odzii nyia ɔnye no roko ananmusinyi, ne nkan kuw no mu Philip Ofori-Asante, a onyaa abatow 10,798 do nkonyim.[14][15]
Amoako bɛyɛɛ ankonam pɛr a ɔdze noho a odzii nkonyim wɔ afe 2020 mbrahyɛbagua abatow no mu.[16][17][18]
Ne gyinabea dɛ mbrahyɛbaguanyi a ɔdze no ho no bɛyɛɛ dza ho hia kɛse mpo wɔ abatow no ekyir osiandɛ amambu ekuw etsitsir ebien no mu biara (NPP na National Democratic Congress) enntum anngye dodow no ara koraa. Nsɛmbisa a wobisabisaa Amoako wɔ abatow no ekyir mu no, ɔkyerɛɛ dɛ onnyi adwen bɔn biara wɔ NPP ho wɔ kwan a wɔfaa so paam no ho. NPP Ɔkyerɛwfo Panyin, John Boadu, ahyɛ nyansa dɛ Amoako botum asan dze noho abata no kuw NPP ho bere ɔmmfa no ho nnhyɛ kuw no mbra na tsebea pɔtee bi do. Sanda 7, 2021 no, wɔpaaw Asiamah dɛ Mbrahyɛbagua no Kasafo Abadziekyir a Ɔtɔdo Ebien. Ɔno nko ara nye mbrahyɛbaguanyi a ɔdze no ho a wɔapaw no dɛ ombedzi dɛm dzibew no wɔ Ghana abakɔsɛm mu.[19]
Mboayɛkuw Ahorow
[sesa mu | sesa ekyirsɛm]Amoako yɛ "Members Holding Offices of Profit Committee" no guamtsenanyi, "Standing Orders Committee" no kuwba, "Subsidiary Legislation Committee" kuwba, Nwomasua Boayikuw kuwba na "Mines and Energy Committee" kuwba.
Ankorankor Asetsena
[sesa mu | sesa ekyirsɛm]Amoako yɛ Kristonyi.
Mboaedze
[sesa mu | sesa ekyirsɛm]- ↑ "Fomena: We'll resist attempts to impose Amoako Asiamah on us – Aggrieved NPP members". Citinewsroom – Comprehensive News in Ghana (in American English). 2022-02-23. Retrieved 2022-08-10.
- ↑ "Fomena MP declares intention to join NPP Caucus in Parliament". Modern Ghana (in English). Retrieved 2022-08-10.
- ↑ Brown, Nicholas (2022-02-25). "Boamah to NPP: Let Fomena MP run unopposed – Asaase Radio" (in American English). Retrieved 2022-08-10.
- ↑ "Andrew Asiamah declared 2nd Deputy Speaker of Parliament - MyJoyOnline.com". www.myjoyonline.com. 7 January 2021. Retrieved 26 March 2023.
- ↑ "Fomena MP Elected Second Deputy Speaker". 7 January 2021.
- ↑ "Constituency watch: Storm brews in Fomena NPP". Graphic Online (in British English). Retrieved 2022-08-10.
- ↑ "Parliament of Ghana". www.parliament.gh. Retrieved 2025-03-13.