Akwasi Konadu

Akwasi Konadu

human

Bɔbea	male
Ɔman a ofir do	Ghana
Name in native language	Akwasi Konadu
Dzin a wɔdze ama no	Akwasi
Ebusua dzin	Konadu
Da a wɔwoo no	25 Ayɛwoho 1982
Bea a wɔwoo no	Ashanti Region
Native language	Asante
Languages spoken, written or signed	English, Asante
N'edwuma	politician, supervisor
Dzibew	Member of the 8th Parliament of the 4th Republic of Ghana, director
Educated at	Opoku Ware Senior High School, University of Ghana, Nwomasua Suapɔn, Winneba, Kwame Nkrumah University of Science and Technology
Work location	Kumasi
Member of political party	New Patriotic Party
Candidacy in election	2020 Ghanaian general election
Religion or worldview	Christianity

Akwasi Konadu yɛ Ghana ɔmanyɛnyi a ɔka New Patriotic Party (NPP) amanyɛkuw no hodɛ kuwba. Ɔyɛ mbrahyɛbaguanyi ma Manhyia Etsifi Ambatow Mpasua no wɔ Esuantse Mantɔw no mu wɔ Ghana. . Seseiara ɔno nye Panyin paara a ɔda Edwumakuw a Ɔhwɛ Nsusɛm do wɔ Ghana.

Abrabɔ Ahyɛse Na Nwomasua

Wɔwoo Konadu wɔ Ayɛwoho 25,1982 na ofi Paakoso a ɔwɔ Esuantse Mantɔw mu. Onyaa no nsɔwdo skuul nwomasua wɔ Opoku Ware Nsɔwdo Skuul. Ɔkɛgyee Abɔdzin Krataa wɔ Nwomasua mu wɔ University of Education, Winneba. Ɔtoaa do gyee abɔdzin krataa fofor wɔ Sohyiologyi na Filɔsɔphi mu wɔ afe 2005 mu wɔ Universty of Ghana. Ɔsanee kɛgyee ne maseta abɔdzin krataa wɔ Development Policy and Planning mu wɔ KNUST esuapɔn mu.

Edwuma

Nna Konadu yɛ sikasɛm ho nhwehwɛmu Abadziekyir wɔ KDA Accounting Services a ɔwɔ Kumase. Nna ɔsan yɛ obi a ɔhwɛ Nhyehyɛɛ anaa Dwumadzi do wɔ Bonsafo Barwuah Foundation mu. Nna ɔno so nye nyia ɔhwɛ Ndwuma ahorow a ɔkɔ do do wɔ Greenfield Company Limited.

Amanyɛsɛm

Konadu kɛpeer nyia nna obegyina NPP anan mu wɔ Manhyia Etsifi Ambatow Mpasua no do wɔ ambatow a amanyɛkuw no hyehyɛɛ no mu dze tweɛɛn afe 2020 mu ambatow no ankasa. Okotuu nyia nna ɔtse do dɛm ber no dɛ hɔn mbrahyɛbaguanyi a nna ɔdze Collins Owusu Amankwah no. Nna Collins Owusu Amankwah akɔ mbrahyɛbaguafie mprenu ofitsi Sanda 2013 mu dze besi ber ɔhweer dɛ mpanyindzi no ma Konadu bɛfae ber a wɔtoow hɔn amba no wɔ Obiradzi mu wɔ afe 2020 ma okegyinaa Manhyia Etsifi Ambatow Mpasua no anan mu wɔ afe 2020 mu ambatow no mu. Ɔdze amba dodow enum twee nyia nna ɔtse do mu dze dzii nyim ber a ɔno nyaa amba dodow 278 ma nyia ɔnye no peree no so nyaa amba 273. Ansaana Konadu ribedzi Collins Owusu Amankwah do nyim no, ambatow a hɔn amanyɛkuw no hyehyɛe wɔ afe 2012 mu na dza wɔyɛɛ no afe 2016 mu no, odzii ɔkogu.

Mumu bosoom no mu wɔ afe 2020 mu na wɔtowee ma Konadu dɛ Manhyia Etsififo hɔn mbrahyɛbaguanyi. Wɔbɔɔ ne dzin dɛ ɔno na oedzi nyim wɔ mbrahyɛbaguafo hɔn ambatow no mu ber a onyaa amba dodow no mu 39,562 a ogyina hɔ ma ɔha nkyekyɛmu 69.9 na nyia ɔbɛɛn n’amba no ho yie a ɔdze Hamza Swallah a ogyinaa National Democratic Congress amanyɛkuw no hɔn zin mu no so nyaa 15,943 a ogyina hɔ ma ɔha nkyekyɛmu 28.2.

Beesuomfo A Ɔnye Hɔn Somee

Konadu ka Beesuomfo a wɔhwɛ Nhyehyɛɛ A Ɔtsew Ohia do no ho na ɔsan ka besuomfo a wɔhwɛ Apɔwmudzen do no.

N’abrabɔ

Konadu yɛ Kristiennyi.