Akwasi Boateng

Hon Akwasi Darko Boateng
Incumbent
Assumed office Sanda 7, 2021
Personal details
Born	Akwasi Darko Boateng (1967-06-20) 20 June 1967 Apewu-Dwumakro
Nationality	Ghananyi
Political party	New Patriotic Party
Occupation	Amanyɛnyi
Profession	Managing Director
Committees	Mbaabun, Agodzi na Amambra Boayikuw; Judiciary Committee

Akwasi Darko Boateng yɛ Mbrahyɛbaguanyi dze ma Bosome Freho Mpasuar, Asante Mantɔw mu, Ghana. Ɔayɛ mbrahyɛbaguanyi fitsi Sanda 7, 2021.

Ɔbra ahyɛse na nwomasua

Yawda, Obiradzi 20, 1967 mu na wɔwoo Boateng na ofi Apewu-Dwumako a ɔwɔ Asante Mantɔw mu wɔ Ghana. Onyaa ne Executive Masters wɔ Aban na akandzifo mu na ne Post Graduate Diploma wɔ Edwumayɛ mu wɔ afe 2018. Ɔsanso nyaa ne Ordinary na Advance levels wɔ afe 1990 na 1993 mu.[1]

Edwuma

Boateng yɛ Ghana amanyɛnyi. Ɔyɛ mbrahyɛbaguanyi wɔ Bosome Freho Mantɔw mu fitsi Sanda 2021. Ansaana ɔrehyɛn mbrahyɛbagua no mu no, ɔnye Auto-Life Company Limited na Pescourt Hotel yɛɛ edwuma.[3]

Amanyɛsɛm

Boateng fir edzi wɔ nkonyimdzi mu ber a ɔnam New Patriotic Party (NPP) tsikitsi do sii akan wɔ nyimpa beenu a wɔpɛ dɛ wodzi kan no do wɔ mbrahyɛbagua no Ahyɛse abatow a wɔhyehyɛɛ dɛ wobenya obi a ɔbɛhyɛ NPP anan mu wɔ 2020 Mumu abatow no mu.[4] Nyimpa beenu a ɔpɛ dɛ wosi akan no nye Hon Joyce Adwoa Akoh Dei na Owura Peter Adjei Agyemang. Nhyiamufo 415 a wɔtoow aba no mu no, Boateng dzii nkonyim wɔ abatow a odzi kan no mu ɔnam abatow 191 do tsiaa nyia odzi kan, Agyemang a ɔtoow aba 140 ber a dɛm ber no nna MP a na ɔwɔ tum no, Dei dzii nyia ɔtɔdo ebiasa dze amba 76, amba 8 na wɔpowee. Mumu 7, 2020 mbrahyɛbagua abatow mu no, Boateng nyaa amba 20,401 a ogyina hɔ ma 73.10% wɔ abatow 27,910 a wɔtowee nyinaa mu. Wogyinaa nyia ofii mbrahyɛbagua abatow no mu baa do kaa dɛ ɔyɛ mbrahyɛbaguanyi a wɔapaw no ama Bosome Freho Mpasuar a ɔwɔ Asante Mantɔw mu, Ghana.[8] Mbrahyɛbagua primaries a wɔyɛɛ wɔ afe 2024 mu maa NPP no, Nana Kwame Asafo-Adjei Ayeh dzii no do nkonyim wɔ mbɔdzen a ɔbɔe dɛ obegyina kuw no anan mu. Ayeh nyaa amba 233, na ɔboor Boateng a onyaa amba 187 wɔ abatow a ɔfata a wɔtowee nyinaa mu.[9]

Boayikuw ahorow

Boateng yɛ Mbaabun, Agodzi na Amambra Boayikuw no kuwba na ɔsan ka Atembu Boayikuw no ho.[1]

Ankorankor asetsena

Boateng yɛ Kristonyi.[1]

Adɔyɛ

Kwakwar 2021 mu no, ɔdze edur a wɔdze hohor nsa 2,400, mfir a wɔdze yi tsirnhwi 50 maa hɔn a woyi tsir 130, skuul ntar 1,500, hwen akatado 2,400, "sterilize cabinets" 30, mpaboa ndaka 5 na ndadze ndaka 5 maa ekuafo a wɔwɔ Bosome Freho Mpasuar wɔ Asante Mantɔw mu. Ɔsanso dze nwomasua sikakorabea no sii hɔ dɛ ɔdze aba sika a ɔyɛ GHS30,000 bɔhwɛ esuafo a wohia naaso hɔn ho akokwa no na ɔsanso hyɛɛ bɔ dɛ ɔbɔboa GHS20,000 afe biara.[10][11]