Agbadza
| Subclass of | folk dance, Ewe music  |
|---|---|
| Location | Mono Department |
| Country of origin | Benin |
Agbadza yɛ Awona ndwom na asaw a ɔyɛ dansewa fi ber a ɔko no bae a wɔsaw dze gye hɔn enyi wɔ ahomgye bea.[1]Ofi ɔko asaw dadaw bi a wɔfrɛ no Atrikpui na mpɛn pii no Awonafo a wɔwɔ firaw mantɔw mu wɔ ebibiman mu nkankara wɔ Hogbetsotso Afahyɛ no ase, afahyɛ a anlo awonafo dzi. Dza a ɔka ho, Togofo na Beninfo a wofi Awona abusua mu nna ɔyɛ. Asaw no wɔ ikuw enum wɔ agor mu, 1. Banyunyi a ɔyɛ asɛm tiaba a wɔdze yi ewuakɔr mpaa, 2. Vurtsorsor a ɔyɛ asaw nankasa , 3. Adzo- a ahoɔdzen nnyim pii na owura no nkotsee na ɔyɛ dze bɔ sanku ka Gankogui na Axatse ho, 4. Wɔbɔ Hatsatsatsa- abakɔsɛm ndwom ka Gankogui na Atoke ho, 5. Vutsorsorsor- ewiei koraa no, asaw tsitsir no fa foforo a mpɛn pii no ɔtra dɔnhwer bi. Gankogui yɛ edwindze a ɔtse dɛ adɔmbaa bi a wɔdze dua bɔ. Atoke nso yɛ adɔmbaa a ɔtse dɛ mpuwa na wɔdze dadze poma kakraba bi a ɔnnyɛ nokwar bɔ. Wobotum dze Atoke so esi Gankogui anan mu dze ebien no nyinara edzi dwuma ma tsirimpɔw kor ara.[5] Wɔtaa bɔ dɛm asaw yi wɔ ayiyɛ ase, ayeforhyia na enyigye bea ahorow. Ne tsitsir, wɔbɔ wɔ ber biara a wɔdze awonafo nyimpasu egyinahyɛdze, osiandɛ ebusuakuw fofor nnyim dɛm asaw no ntsi ɔyɛ soronko koraa.Wɔma obiara akɔaba dɛ ɔmmfa noho nhyɛ asaw no mu, ɔnntse dɛ awonafo asaw fofor no a ɔtɔfabia a wɔdze sie ma nyimpa a woedzi mfe pɔtsee bi, esom bi anaa ahosu. [7] Ɔtɔfabi a wɔfrɛ dɛm asaw yi “nkokɔ asaw” osian kwan a wɔfa do yɛ no ntsi.[6]
- ↑ httpesi en.m.wikipedi mu rzg/wiki/Agbadza