Aboso Ahwehwɛ Edwumakuw

{[Databox|item=Q104849802}}Aboso Ahwehwɛ Edwumakuw yɛ edwumakuw bi a yebohu no wɔ Aboso. Ɔyɛ kurow a ɔbɛn Tarkwa a ɔyɛ Wassa Atɔe Mansin no kurow pon a ɔwɔ Ghana Atɔe afamu.

Menntse moho ase

Tsebea a Aboso Ahwehwɛ Edwumakuw no wɔ mu siesiera no twe hɛn adwen gyina wentwiwentwi a wɔabada edwuma no ne baanodzifo na mbaebun a wɔwɔ kurow mu hɔ no hɔn ntamu. Mbaebun a wɔwɔ kurow mu hɔ no hɔn asɛm nye dɛ, kwan a Linkin Birds Edwumakuw no rotwe Ahwehwɛ Edwuma no mu ndadzegow no nnyɛ kwan papa do nsti wɔremmpen. Nkyɛ dza kurowmanfo no rohwehwɛ nye dɛ nkyɛ hɔn so wobenya hɔn kyɛfa wɔ mu atɔn dze abɔ hɔn bra,ama ɔenya nsusuando wɔ Aboso kuro no do. 

Dɛm wentwiwentwi yi nnyɛ nwanwa, na ɔtaa si wɔ aber a edwuma bi besi gyinae bi afa kurow bi n'egyapadze na n'egudzi ho a wɔanngye kurowmanfo no hɔn adwenkyerɛ, nkankaara sɛ dɛm egyapadze na egudzi yi dzi akotsen wɔ hɔn asetsena mu na ɔma wɔ dansew wɔ hɔn abakɔsɛm mu. Obehia dɛ GIHOC distilleries Edwumakuw a hɔn so wɔ Aboso no nye kurowmanfo no kasa na wɔzde yie to yie ama nokwar adadzi wɔ afaenu no ntamu na obiara enya Aboso Ahwehwɛ Edwumakuw no ndadzegow no ho mfaso.

Abakɔsɛm

Kwame Nkrumah na ɔdze dɛm Aboso Ahwehwɛ Edwumakuw yi bɔbɔɔ adze wɔ afe 1966 mu a nna hɔn dwuma a wodzi nye dɛ wɔyɛ mbɔdambɔ tɔm ma hɔn nna wɔyɛ nsa dɔkɔdɔkɔ nna dza ɔkekaho nyinara. Nyimpa dodow a nna wɔyɛ edwuma wɔ dɛm ahwehwɛ edwumwku fi Aboso nna no nkwaado. Ber a edwuma no bedzii Gilchrist Olympio fo nsa mu no, wɔsesaa edwuma no ne dzin ma ɔbɛyɛɛ Tropical Ahwehwɛ Edwumakuw. Ɔnam sika sɛm ntotoe a nna ɔnnkɔ yie nsti, edwuma no enntum enngyina ne nando bio. Wɔ afe 2003 mu no, wɔdze dɛm edwumakuw yi kaa ndwuma a nkyɛ Ghana Aban no robɔtɔn no ho ma Enyinam Nkandzea Edwumakuw (Electricity Company Of Ghana) gyee hɔn nkandzea fii hɔn nkyɛn. Wɔ afe 2017 mu no, Ghana Aban dzetoo gua dɛ, wɔdze nhyehyɛɛ egu akwan mu dɛ wɔbasan dze edwuma no ebesi ne dadaw mu bio osian mboa a wonyaa no wɔ edwumakuw bi hɔ nsti. Wɔ afe 2019 mu no, GIHOC Distilleries Company Limited dzetoo gua dɛ woboso ewduma no mu na wɔayɛ. Mbaebun a wɔwɔ Prestea Huni Valley Mansin a ɔwɔ Atoɔ Aafa mu no ayɛ krado dɛ wɔbɛyɛ ɔyɛkyerɛ wɔ kurow no n'akwanstenpɔn do sɛ Ghana Aban enntum annyɛ ho hwee a.